Tibbi Ərazi Bölmələrini İdarəetmə Rəhbərliyinin keçirdiyi tenderin nəticəsi ləğv olunub.
Tribunainfo.az xəbər verir ki, bu barədə açıq mənbələrdə məlumat yayılıb.
Bildirilir ki, TƏBİB-in tabeliyindəki müəssisələr üzrə (tabe olduğu yuxarı təşkilatlarla birlikdə) Maliyyə Hesabatlarının Beynəlxalq Standartlarına uyğun 2022-ci ilin birləşdirilmiş (konsolidə edilmiş) maliyyə hesabatlarının kənar auditi xidmətinin satın alınması həyata keçirilməli imiş. Bunun üçün qudum 1 milyon 986 min 333 manat vəsait ayrımağı da nəzərədə tutubmuş. Lakin Anti İnhisar və İstehlak Bazarına Nəzarət Dövlət Xidməti tenderin doğru keçirilmədiyini bəyan edib. Qurumun rəsmi izahatında qeyd edilir ki, TƏBİB “Dövlət satınalmaları haqqında” qanunun 36.1.2 maddəsini pozub. Bu isə o deməkdir ki, təqdim olunan təkliflərdən heç biri şərtlər toplusunun tələblərinə uyğun olmayıb.
Bu əsnada xəbər yayılıb ki, yaxın günlərdə Hesablama Palatası TƏBİB-də geniş yoxlamalara start verməyə hazırlaşır. Həmin məlumatlara görə, bu yoxlamalardan sonra TƏBİB rəhbərliyinin barəsində qərar veriləcək. Bir növ onların müqəddəratı bu yoxlamaların nəticəsindən asılı olacaq.
Qarşı tərəfi də dinləməyə hazırıq.