Dağlıq Qarabağ münaqişəsinin hərbi həll yolu mövcud deyil. O yalnız sülh yolu ilə həll oluna bilər,

Mediatv.az RİA Novosti-yə istinadən bildirir ki, bunu Avropa İttifaqı Şurasının prezidenti Donald Tusk Brüsseldə səfərdə olan Ermənistan prezidenti Serj Sarkisyanla görüşdən sonra keçirilən birgə mətbuat konfransında deyib.

O bildirib ki, münaqişə tez bir zamanda beynəlxalq hüquqa əsasən siyasi yolla həll olunmalıdır: “Bu münaqişənin hərbi yolla həlli yoxdur. Avropa İttifaqı ATƏT-in Minsk Qrupunun vasitəçilik səylərini və təkliflərini dəstəkləməyə davam edir”.

S.Sarkisyan isə bildirib ki, Dağlıq Qarabağın öz müqəddəratını təyin etməsi haqqı əsas beynəlxalq sənədlərdə öz əksini tapıb.

"Biz həmçinin Qarabağ probleminə toxunduq, təsdiq etdik ki, o hərbi həllə malik deyil. Ermənistan səmərəli güzəştlərə hazırlığını ifadə edir, bununla belə, bu problemdə Dağlıq Qarabağ camaatının öz müqəddəratını təyin etməsi hüququ bazadır, hansı ki, yalnız əsas beynəlxalq sənədlərdə qeyd edilməyib, həm də münaqişənin nizama salınmanın tək formatı olan ATƏT-in Minsk Qrupunun çoxsaylı və çoxdan tanınmış bəyanatlarında əksini tapıb”, - deyə o qeyd edib.