Milli Məclisin deputatı Elman Nəsirov bir neçə gün öncə söz vermişdi ki, Rəcəb Tayyib Ərdoğan yenidən Türkiyə prezidenti seçilərsə, o, bu münasibətlə qurban kəsəcək. Məlum olduğu kimi, 28 may tarixində R.T.Ərdoğan Kamal Kılıçdaroğludan çox səs toplayaraq növbəti dəfə prezident seçilib.
Məsələ ilə bağlı Globalinfo.az-a danışan E.Nəsirov gözləntilərin özünü doğrultduğunu deyib:
“Cənab Ərdoğanın son 21 il ərzində Türkiyə üçün etdiyi misilsiz xidmətlər öz bəhrəsini verdi və Ərdoğan 28 mayda sözün əsl mənasında tarix yazdı. Çox qəliz, mürəkkəb seçkilər prosesində xalqın etimadını qazanaraq növbəti dəfə prezident seçildi. Hamımız sevinirik. Bəlkə də ən çox sevinən məhz biz azərbaycanlılarıq”.
E.Nəsirov sözünün üstündə duraraq qurban kəsəcəyini deyib:
“Bəli, mən söz vermişdim ki, cənab Ərdoğan qalib gələcəyi təqdirdə qurban kəsəcəyəm. Artıq arzum çin oldu və bu münasibətlə də 1-2 günə seçildiyim Cəlilabad rayonuna gedərək orada bir neçə qoyun kəsib paylayacağam. Fikrim var ki, ümumi 60-70 kilo civarında qurban əti olsun və ehtiyacı olan seçicilərim arasında bölüşdürüm. Allah kər kəsin qurbanını qəbul etsin!”шаблоны для dle 11.2