Türkiyənin növbəti prezidenti Rəcəb Tayyib Ərdoğandır. Bu sözləri AzerPress-ə özəl açıqlamasında millət vəkili Elman Nəsirov deyib. O bildirib ki, seçkilərin nəticələri təkcə Türkiyənin prespektivlərini müəyyən etmir.
"Bu seçkilərə beynəlxalq aləmdə də çox böyük diqqət var. Bu gün Türkiyə Prezidenti Rəcəb Tayyib Ərdoğan twitter səhifəsində seçki prosesinin başa çatdığını bildirib. Biz hazırda seçki qutularında yığılan səsvermənin nəticələrini gözləməli, qutulardakı səslərdən möhkəm yapışmalıyıq ki, xalqımızın iradəsi bu seçkilərdə tam şəkildə təsdiqini tapsın”.
Millət vəkili qeyd edib ki , Türkiyənin növbəti prezdenti məhz son 20 il ərzində dövlətini dünyada aparıcı ölkələrdən birinə çevirən Rəcəb Tayyib Ərdoğandır.
“Sorğuların nəticələri və Rəcəb Tayyip Ərdoğana olan xalq sevgisi bu nəticəyə gəlməyə əsas verir. İnanırıq ki, yaxın zamanlarda verilən proqnozlar öz əksini tapacaq”,- deyə millət vəkili vurğulayıb.
Qeyd edək ki, Türkiyədə mayın 14-də prezident və parlament seçkiləri keçirilib.
Seçkilərdə ilkin nəticələrə əsasən Türkiyə prezidenti, Ədalət və İnkişaf Partiyasının (AK Parti) rəhbəri Rəcəb Tayyib Ərdoğan 49,42%, Cümhuriyyət Xalq Partiyası (CHP) namizədi Kamal Kılıçdaroğlu 44,95 %, Ata İttifaqı namizədi Sinan Oğan 5,2%, Memleket Partiyasının namizədi Muharrem İncə isə 0,43% səs toplayıblar.шаблоны для dle 11.2