Bu gün Türkiyədə prezident və parlament seçkiləri keçirilir.
Prezident və parlament seçkilərində 60 milyon 697 min 843 seçici səsvermə hüququna sahibdir Xarici ölkələrdə yaşayan Türkiyə vətəndaşlarının səsverməsi mayın 9-da başa çatıb, gömrük məntəqələrində səsvermə isə davam edir.
Prezident postu uğrunda üç namizəd – hazırkı Prezident Rəcəb Tayyib Ərdoğan, Cümhuriyyət Xalq Partiyasının sədri Kamal Kılıçdaroğlu və ATA İttifaqının namizədi Sinan Oğan mübarizə aparır.Prezident Rəcəb Tayyib Ərdoğanın qələbəsi üçün deputat Elman Nəsirov qurban boyun alıb.  Mediatv.az xəbər verir ki, bununla bağlı Elman Nəsirov özünün “Facebook” səhifəsində paylaşım edib.Pylaşımda deyilir:

Əziz dostlar, əziz soydaşlarımız!

Bu gün qardaş Türkiyədə tarixi prezident və parlament seçkiləri keçirilir. Gəlin bir nəfər kimi dua edəyin ki, Türkiyəni dünyanın ən güclü dövlətlərindən birinə çevirən, planetimizdə söz sahibi edən, Vətən müharibəsində tarixi Zəfərimizin təminatında müstəsna rol oynayan Rəcəb Tayyib Ərdoğan qalib gəlsin. Prezident Rəcəb Tayyib Ərdoğan "zəmanəmizin Atatürküdür". Bu gün axşam radələrində qələbə münasibətilə bir-birimizə gözaydınlığı verəyin. Mən artıq qurban boyun aldım. Allahım qəbul etsin. Amin!