Hamiləlik zamanı qan azlığı hansı fəsadlar verə bilər? - HƏKİM RƏYİ

Ana səhifə Bizimlə əlaqə

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Sağlamlıq (10-09-2019, 09:57)
Hamiləlik zamanı qan azlığı hansı fəsadlar verə bilər? - HƏKİM RƏYİ

Son dövrlərdə uşaqlar və hamilə qadınlar arasında anemiya problemi artıb. Aparılan araşdırmalara görə, hamilə qadınlar arasından anemiyanın yayılması 40,4 faizə çatıb.
Qan azlığı, dəmir çatışmazlığı kimi problemlər hamiləlik dövründə nə kimi fəasadlar verə bilər? Doğulacaq körpənin sağlamlığına nə kimi risklər mövcuddur?
Respublika Perinatal Mərkəzinin direktoru Sevinc Məmmədova Oxu.Az-a açıqlamasında qadınların hamiləlik dövründə yoxlamalara diqqət etməli olduqlarını vurğulayıb:
"Ümumiyyətlə, anemiyanın müxtəlif növləri olduğu kimi, müalicə metodları da fərqlidir. Anemiya qan azlığıdır. Bu gün analığa namizədlər hamiləlik dövründə ən azı 3 dəfə qanın ümumi analizini verməlidir. Əgər qanda hər hansı bir dəyişiklik, xəstəlik varsa,3 dəfə yox, daha artıq yoxlanılmalıdır. Normada hemoqlobinin miqdarı 12-16 q/l qədər normal hesab edilir. ÜST-nın göstəricilərinə görə, əgər hemoqlabin səviyyəsi 12-dən aşağıdırsa, bunu anemiya hesab etmək olar. Azərbaycanda milli kliniki protokol var ki, bizim qadınlarımız üçün 10 q/l-dən aşağı anemiya kimi, 9 q/l-dən aşağı göstəricilər isə hemotoma kimi qiymətləndirilir. Bu şərtlərdə mütləq şəkildə müayinəyə ehtiyac var".
Hamiləlik dövründə müşahidə edilən qan azlığı ana bətnində dölün inkişafdan qalmasına da gətirib çıxara bilər:
"Hamiləlik dövründə anemiya hamiləliyin vaxtından əvvəl sonlanması ilə nəticələnə bilər. Uşaq çəkidə, boyda inkişafdan qala bilər. Eyni zamanda anemiya ilə müşahidə edilən hamiləlikdə doğum zamanı qanaxmaya meylilik daha çox olur. Çünki hemoqlabin səviyyəsi normal olan qadın üçün doğuş zamanı qan itirmək heç bir problem yaratmır. Amma qan azlığı olan qadın doğum prosesində qan itirərsə, damar spazmları, trombozlar, damar daxili laxtalanmaya qədər gətirib çıxara bilər.
Eyni zamanda anemiyalı qadınların immun sistemləri çox aşağı olduğundan, bədən müqavimət göstərə bilmir və onlar müxtəlif infeksion xəstəliklərə daha tez yoluxur. Belə ki, müşahidələr zamanı anemiyalı analardan doğulan uşaqlarda anadangəlmə azçəkililik, immun problemi ilə yanaşı, əqli zəiflik də müşahidə olunur".