London Universiteti kollecinin alimləri qocalıqla bağlı demensiyanın cərrahiyə alətləri vasitəsilə başqalarına ötürülə bildiyini müəyyən edib. Alimlər əvvəllər beyin xəstəlikləri ilə bağlı əməliyyat olunmuş xəstələrdə beyin qansızması ilə müşayiət olunan səkkiz serebral amiloid anqiopatiya halı aşkarlayıb.

Mediatv.az  xəbər verir ki, bu barədə “Science Alert” jurnalında məqalə dərc olunub.

Serebral  amiloid angiopatiya (SAA) zamanı beyin damarları zədələnir və amiloidlərin - Alzheymer xəstəliyinin inkişafına təkan verən zülalların beyinə yığılmasına gətirib çıxarır.

Ancaq buna qədər SAA-dan əziyyət çəkən xəstələrdə ölümcül təhlükəli demensiya üçün xarakterik olan, maddələrin hüceyrələrə daşınmasını təmin edən mikroboruların formalaşmasını pozan və yumaqlar ərsəyə gətirən tau-zülalların yüksək miqdarı aşkar olunmamışdı.

Tədqiqatçıların sözlərinə görə, əməliyyatlar zamanı patoloji zülalların başqa xəstələrin orqanizminə ötürülməsinin qarşısını almaq üçün mütləq şəkildə cərrahiyə alətlərinin yeni təmizlənmə metodları qəbul olunmalıdır. Belə ki, amiloidlər isitmə üsulu ilə  ilə dizinfeksiyaya, o cümlədən qaynatma, qurutma və formaldehidlə işlənməyə qarşı davamlıdır.