Əksər hallarda ürək xəstəliklərinin simptomları spesifik olur – ürək nahiyəsində ağrılar, ürək ritminin pozulması və s.

Mediatv.az xəbər verir ki, bu simptomları meydana çıxadıqda insan adətən kardioloqa müraciət edir, müayinələrdən keçir, müalicə almağa başlayır, öz həyatında müəyyən dəyişikliklər edir – fiziki yükləmələri azaldır, qidalanmada bəzi dəyişikliklər edir və s.

Lakin bəzən ürək xəstəlikləri özünü gizli simptomlarla büruzə verir. Bu simptomlar arasında:

– zəiflik

– səbəbsiz yorğunluq

– ayaqlarda ağırlıq

– xroniki yuxululuq

– yaddaşın zəiflənməsi.

Bu çox təhlükəli vəziyyətdir. İnsan bu simptomları ürək xəstəlikləri ilə əlaqələndirmir, lazım olan müalicə almır, adi həyat sürür (fizki gərginlikləri azaltmır, adi qaydada qidalanır və s), xəstəlik isə daha da ağırlaşır, xəstənin sağlamlığı və hətta həyatı təhlükə altına düşür.

Özünüzdə sadaladığımız simptomları tez-tez müşahidə edirsinizsə, kardioloqun müayinəsindən keçin.