Sümük və diş sağlamlığı üçün əvəzolunmaz mineral hesab olunan kalsium maddələr mübadiləsinin yaxşı işləməsi, sinir və əzələ hüceyrələrinin güclənməsi üçün də əhəmiyyətlidir.

Mediatv.az xəbər verir ki, kalsium çatışmazlığı insan orqanizminə böyük zərər verə bilər. Kifayət qədər kalsium qəbul etmədikdə sümüklər kövrəlir, diş minası zəifləyir, əzələdə ağrılar hiss edilir.

Bir çox insan bunun fərqində olduğu üçün gündəlik qida menyusuna kalsiumla zəngin hesab edilən süd və süd məhsullarını daxil edir. Ancaq kalsiumla zəngin qidalar ancaq süd, qatıq və ya pendir deyil.

Publika.az sağlamlığının qayğısına qalan insanlar üçün kalsium mənbəyi olan qidaları təqdim edir:

Əncir qurusu

Əncir qurusu ləzzətli və sağlam çərəzdir. Bir kasa əncir qurusu gündəlik kalsium ehtiyacınızın 24 faizini ödəməyə qadirdir.

Doşab

Doşab kalsium mənbələrindən biridir. Xüsusilə də şəkər qamışından hazırlanan doşab olduqca faydalı bir qidadır. 1 xörək qaşığı doşab gündəlik kalsium ehtiyacınızın 10 faizini ödəyir.

Portağal

Portağal C vitamini mənbəyi kimi tanınır. Ancaq bu dadlı meyvə kalsium baxımından da zəngindir. 1 kasa dilimlənmiş portağal gündəlik kalsium ehtiyacını tam ödəyir.

Badam

Sağlamlıq mənbəyi olan yağlar, zülal və kalsium ehtiva edən badamın bir ovucu gündəlik kalsium ehtiyacınızın 7 faizini ödəyə bilər.(Publika.az)