Hollivud ulduzları arasında nadir hallarda rast gəlinən uzun ömürlü ailələrdən olan Cekmanın  ailəsi bir çoxlarına nümunə göstərilir. Cekman isə möhkəm ailəsinin sirrini açıqlayıb: Sürpriz etmək bacarığı!

 

“Mən daim sürpriz edirəm. Məsələn, həyat yoldaşıma zəng edərək sabah evə uçacağım barədə xəbər verirəm. Halbuki, bir neçə saat sonra evdə olacağam. Evdə çatdıqda yarım saat sonra ona sevdiyi restoranda şam yeməyi sifariş etdiyimi bildirirəm. Səhərlər isə ondan əvvəl oyanıb, onun sevdiyi pendirli blinçikləri bişirə bilərəm”.

 

Bundan başqa 19 il əvvəl Cekman xanımına evlilik təklifini də sürpriz formasında etdiyini əlavə edib.

 

“Deb ilə “Korelli” filminin çəkilişi zamanı tanış olmuşuq. Əvvəlcə ona dost olmaq üçün yaxınlaşdım. 3 aydan sonra isə onun üçün nişan üzüyü sifariş etmişdim. Dostlarım isə mənə göl ətrafında romantik masa hazırlanmasına yardım etmişdilər. Deb bu mənzərəni görəndə “Aman Allahım, bu nə gözəllikdir” demişdi.  Mən isə onun qarşısında diz çökdüm və üzüyü ona təqdim etdim”.(Publika.az)