Azərbaycan təmsilçisi `Eurovision-2016` musiqi yarışmasında ilk yarımfinalda çıxış edəcək.

Mediatv.az xəbər verir ki, bu gün İsveçin paytaxtı Stokholmda müsabiqənin püşkatma mərasimi keçirilib. 

Reqlamentə əsasən müsabiqənin ilk yarımfinalı mayın-10, ikinci yarımfinalı mayın 12-i, final mərhələsi isə mayın 14-də keçiriləcək. 

Azərbaycanla yanaşı ilk yarımfinal günündə `Qloben` səhnəsinə Xorvatiya, Finlandiya, Moldova, Ermənistan, Yunanıstan, Macarıstan, Niderland, San-Marino, Rusiya, Kipr, Malta, Bosniya və Herzoqavina, Estoniya, Çexiya, Montenoqro, İslandiya və Avstriya təmsilçiləri də çıxış edəcək.