Daxili İşlər Nazirliyi (DİN) bloqqer Mehman Hüseynovu məhkəməyə verib.

Mediatv.az:  Vəkil Elçin Sadıqov AzVision.az-a bildirib ki, Mehman Huseynova qarşı xüsusi ittiham qaydasında şikayəti Nəsimi rayon polis idarəsinin rəisi Musayev Musa Oktay oğlu verib: “Mehman Hüseynovun Cinayət Məcəlləsinin 147.2-ci maddəsilə məsuliyyətə cəlb olunub”.

Vəkil əlavə edib ki, xüsusi ittiham qaydasında edilən şikayətə Suraxanı Rayon Məhkəməsində hakim Ceyhun Qədimovun sədrliyi ilə baxılacaq. Məhkəməyə hazırlıq iclası 10 fevral, saat 10:00-a təyin olunub.

Qeyd edək ki, Cinayət Məcəlləsinin 147.2-ci maddəsi Ağır və ya xüsusilə ağır cinayətdə ittiham etməklə böhtan atma - iki ilədək müddətə islah işləri və ya iki ilədək müddətə azadlığın məhdudlaşdırılması və ya üç ilədək müddətə azadlıqdan məhrum etmə ilə cəzalandırılır.