Bakıda 2 məhkum işgəncə altında öldürüldü

Ana səhifə Bizimlə əlaqə

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Kriminal (13-02-2016, 15:16)
Bakıda 2 məhkum işgəncə altında öldürüldü

Bakıda 2 məhkum işgəncə altında öldürüldü

Öldürlən məhkumun qardaşı: "...onun ayaqları sındırılıb, dabanları qapqara idi. Ciyərini vurub partladıblar"

2 məhkum ağır vəziyyətdə xəstəxanaya aparılıb, 2 məhkumun həyatı haqda məlumat yoxdur

Mediatv.az xəbər verir ki, Azərbaycan cəzaçəkmə müəssisələri sürətlə məhkumların qətliam məntəqəsinə çevrilməkdədir. Fevralın 12-də Penitensiar Xidmətin 6 saylı cəzaçəkmə müəssisəsində 2 məhkum döyülərək öldürülüb, digər 2 məhkum isə ölümcül halda Məhkumların Müalicə Müəssisəsinə aparılıb. 2 məıhkumun aqibəti haqda isə heç bir məlumat yoxdur.

Bu haqda “Yeni Müsavat”a daxil olan məlumatı öldürülən məhkumlardan birinin qardaşı Ramin İbrahimov təsdiqləyib:“Zəng edib dedilər ki, Nurani mədə ağrısından ölüb, meyiti morqdadır. Getdik gördük ki, onun ayaqları sındırılıb, dabanları qapqara idi. Ciyərini vurub partladıblar. Qardaşımın günahı olubsa, bunun üçün qanun var. Nəyə görə döyüblər? Niyə öldürüblər onu?”

Onun sözlərinə görə, qardaşı 1993-cü il təvəllüdlü Nurani İbrahimov 10 gün əvvələ qədər 2 saylı cəzaçəkmə müəssisəsində olub: “Ora Elçin Əlicanavov 10 gün əvvəl rəis təyin oliundu. Bundan sonra qardaşımı və daha 5 məhkumu “şestoy”a (6 saylı cəzaçəkmə müəssisəsinə -E.M) köçürdülər. Elçin Əlicanov bizə onları hara köçürdüklərini belə demədi. “Voronok”un(dustaq daşınan maşın) dalınca düşüb “şestoy”a gəlib çıxdıq. Orada rəis Əlidir. O dedi ki, heç bir problem yoxdur, hər şey yaxşıdır. Səhəri gün Nuraniyə yemək, paltar apardıq, qəbul eləmədilər. Dedilər ki, qəbul eləmirik. Bir də dünən axşamtərəfi 2 saylı müəssisəsinin əvvəlki rəisi Eyvaz müəllim zəng elədi ki, Nuranin mədəsində ağrı olub və ölüb. Getdik morqa. Gördük ki, ayağını sındırıblar. Ciyərini partladıblar. Dabanları qapqara idi, şişmişdi. Dəyənəklə ayağının altına vurublar, ayağını sındırıblar. Buna görə də biz meyiti morqdan 6 saylı müəssisəinin qabağına aparmaq istədik”

R.İbrahimov deyib ki, digər öldürülən məhkumun meyiti Gəncəyə yola salınıb: “2 saylı müəssisəsdən “şestoy”a Nurani ilə birgə aparılan Sahib Abbasovu da döyüb öldürüblər. Onun meyitini Gəncəyə apardılar. O biri məhkumlar Elmirlə Tariyelin də vəziyyətləri ağırdır. Xəstəxanaya aparıblar. O biri 2 məhkumun kimliklərini, vəziyyətləri haqda xəbərim yoxdur”.

Penitensiar Xidmətin mətbuat xidmətindən sorğumuzu cavablandırmaq istəmədilər. Bununla belə, Penitensiar Xidmətin münasibətini dərc etməyə hazırıq.

Qeyd edək ki, bu Penitensiar Xidmətə daxil olan məüssisələrdə baş verən ilk hal deyil. 2014-cü il dekabrın 22-də Penitensiar Xidmətin Qaradağ rayonu ərazisində yerləşən 14 saylı Cəzaçəkmə Müəssisəsində məhkum Elşad Babayev dünyasını dəyişdi. Sonrakı günlərdə isə məlum oldu ki, 31 yaşlı Elşad Babayev dəhşətli işgəncələrin sonucu olaraq dünyasını dəyişib. Onu saxlanıldığı müəssisənin rəhbərliyinə daxil olan şəxslərin iştirakı ilə döyüb işgəncəyə məruz qoyublar. İşgəncələri sübut edən fotoşəkillər istintaqa təqdim olunsa da heç bir tədbir görülmədi. Bu baxımdan yeni məhkum qətlləri gözlənilən idi və baş verdi.