Təhsil sistemi yalnız tədris proqramı ilə deyil, ədalət və şəffaflıq ilə ölçülür. Bu sahədə baş verən qanunsuzluqlar isə nə bir müəllimin, nə də bu sistemin deyil, bir nəslin gələcəyini riskə atır. Məktəblərdəki intizam da elə təhsildə ədalətdən başlayır. Bu meyarlar zədələnəndə isə təhsil yetişdirmək əvəzinə yönləndirməyi seçir.

Bu gün ölkədə son illərin ən qalmaqallı, ən çox şikayət ünvanlanan, ən çox müzakirəyə səbəb olan təhsil strukturu – Abşeron-Xızı RTİ-dən danışacağıq. Bu strukturun sahibləndiyi “ən”lər arasında ən çox ictimai narazılıqla hallanan, ən çox təyinat və qərar müzakirəsi ilə yadda qalan və bəlkə də ən çox ictimai hesabat tələb edən idarəetmə mərkəzi olması da var.
Müsahibimiz 2017–2025-ci illərdə Abşeron–Xızı Regional Təhsil İdarəsinin tabeliyində olan Saray qəsəbə 2 nömrəli tam orta məktəbdə direktor vəzifəsində çalışmış Balakişiyev Fikrət Boran oğludur. O, idarə müdiri İlhamə Abdullayevanın qanunsuz əməllərinə və tələblərinə etiraz etdiyi üçün əsassız olaraq məktəbdən kənarlaşdırıldığını iddia edir.
Amma məsələnin bu hissəsini daha sonra nəql edəcəyik. Hələlik, bir zamanlar Abşeron–Xızı Regional Təhsil İdarəsinin bir parçası olan Fikrət Balakişiyevin çalışdığı təhsil strukturunda baş verən qanunsuz faktlarla bağlı fikirlərini diqqətinizə çatdırırıq.
Daha ətraflı “7Times.az”-ın hazırladığı reportajda:
шаблоны для dle 11.2