Piasport.az qol.az-a istinadən xəbər verir ki, bu barədə baş məşqçi Qurban Qurbanov məlumat verib.

Mütəxəssis Emeqaranın ailəsindəki problemlər səbəbindən komandadan ayrıldığını bildirib: "Emeqaranın ailəsində həqiqətən ciddi problemlər var. Onun özü ilə danışmışıq. Böyük ehtimalla, artıq komandaya qayıtmayacaq". 

Qeyd edək ki, bir müddət əvvəl "Qarabağ"a transfer olunan Emeqara Premyer Liqada və kubokda 9 oyun keçirib və 6 qol vurub. O, əvvəllər İsveçrənin "Süriх", "Vintertur", "Qrashoppers", Fransanın "Loryan", İtaliyanın "Siena" və "Livorno" klublarında çıхış edib, İsveçrə millisində 9 oyun keçirib.