SERTİFİKATSIZ HƏKİM,CAVABSIZ ÖLÜM VƏ SUSAN QURUMLAR

Ana səhifə Bizimlə əlaqə

Gənclər və İdman Nazirliyində nöqsanlar aşkarlandı

Qax meşələri talan edilir: Meşə rəhbərliyi susur?

Zaur Mikayılovun müvəqqəti kadrı planşetlər alır - 405 min manata

Xəzər rayonundakı qanunsuz tikinti narazılığa səbəb oldu – VİDEO

AQRAR SAHƏ HÜQUQŞÜNASA ƏMANƏT EDİLƏ BİLƏRMİ ?

İşdən çıxarılan nazir müavini deputatın əmisi oğludur

FHN nazir oğlunun daha bir obyektinin istismarına icazə verdi - DETALLAR

General-mayor Novruzəli Orucovun oğlu keçmiş sevgilisini təhdid edir - İDDİA

Karusel (Bu gün, 18:36)
SERTİFİKATSIZ HƏKİM,CAVABSIZ ÖLÜM VƏ SUSAN QURUMLAR

Ötən ilin 15 avqust tarixində Bakıda fəaliyyət göstərən “Etalon” hospitalda baş verən hadisə cəmiyyətdə ciddi suallar doğurur. Məlumata görə, 1989-cu il təvəllüdlü, tanınmış psixoloq Nilufər Abdulla Səhiyyə Nazirliyi tərəfindən sertifikatı ləğv edilmiş həkim Seymur Məmmədov tərəfindən plastik cərrahiyyə əməliyyatına cəlb olunub. Əməliyyatdan sonra pasiyentin vəziyyəti ağırlaşıb və nəticədə o, vəfat edib.Faciənin ən ağrılı tərəfi isə odur ki, Nilufər Abdulla arxasında 3 azyaşlı uşaq qoyub.
Sertifikatı ləğv olunmuş şəxsin əməliyyat aparması – qanun pozuntusu deyilmi? Mediatv.az xəbər verir ki,Azərbaycan Respublikasının “Əhalinin sağlamlığının qorunması haqqında” Qanununun 46-cı maddəsinə əsasən: Tibb fəaliyyəti yalnız müvafiq ali tibbi təhsilə, ixtisasa və dövlət tərəfindən verilmiş sertifikata malik şəxslər tərəfindən həyata keçirilə bilər. Eyni zamanda, Nazirlər Kabinetinin qərarları və Səhiyyə Nazirliyinin normativ aktları açıq şəkildə göstərir ki, sertifikatı ləğv edilmiş həkimin tibbi fəaliyyət göstərməsi qadağandır.

Bu halda haqlı sual yaranır: Sertifikatı ləğv edilmiş şəxs necə və hansı əsasla əməliyyat aparıb? “Etalon” hospital rəhbərliyi bu faktı bilə-bilə niyə müdaxilə etməyib? Özəl Klinikalara Səhiyyə Nazirliyi tərəfindən nəzarət mexanizmi mövcuddurmu?

Məhkəmə-Tibbi Ekspertizası: Qanun nə deyir, qurum nə edir?
Mərhumun atası Mahir Abdullayev redaksiyamıza zəng edərək Səhiyyə Nazirliyi Məhkəmə-Tibbi Ekspertiza və Patoloji Anatomiya Birliyinin apardığı araşdırmadan narazı olduğunu bildirib. Onun sözlərinə görə, qurum qızının ölüm səbəbini aydın və konkret şəkildə göstərməkdən yayınır. Araşdırma prosesində şəffaflıq təmin edilmir.Araşdırma formallığa çevrilib.Halbuki Azərbaycan Respublikasının Cinayət-Prosessual Məcəlləsinin 268-ci maddəsinə əsasən, məhkəmə-tibbi ekspertiza ölümün səbəbini, mexanizmini və tibbi müdaxilənin nəticələrini tam, obyektiv, əsaslandırılmış və açıq şəkildə göstərməlidir. Bundan əlavə, “Vətəndaşların müraciətləri haqqında” Qanuna görə dövlət qurumları vətəndaşa əsaslandırılmış və rəsmi cavab verməyə borcludur.Ekspertiza ölüm səbəbini gizlədirsə, bu artıq vəzifə səhlənkarlığıdır,ədalət mühakiməsinə maneədir,cinayətin ört-basdır edilməsi cəhdidir.
Əgər araşdırma zamanı müəyyən edilərsə ki, sertifikatsız həkim əməliyyat aparıb,tibbi protokollar pozulub,pasiyentin ölümü həkimin səhlənkarlığı nəticəsində baş verib,bu zaman Azərbaycan Respublikası Cinayət Məcəlləsinin 314-cü maddəsi (səhlənkarlıq) və 139-cu maddəsi (ehtiyatsızlıqdan adam öldürmə) tətbiq oluna bilər.
Ailə cavab gözləyir və Mahir Abdullayev bildirir ki, rəsmi cavab əldə etdikdən sonra yaxın günlərdə geniş ictimai açıqlama verəcək.
Bu hadisə təkcə bir ailənin faciəsi deyil. Bu səhiyyə sistemində nəzarətsizliyin, özəl klinikalarda məsuliyyətsizliyin,sertifikat mexanizminin formal xarakter daşımasının,acı nəticəsidir.
Məsələni diqqətdə saxlayırıq.
Mediatv.az