"Qarabağ" yaxşı komandadı. Sona qədər mübarizə aparırlar. Braziliyalılar yaxşı oyun göstərir. Xüsusən də Reynaldo çox yaxşı hücumçudu. Ancaq təkcə onları fərqləndirməzdim. Yetərincə güclü futbolçuları var. Ümumilikdə götürəndə "Qarabağ" yaxşı oyun sərgiləyir". 

"Mediatv.az" xəbər verir ki, bu sözləri "Zalsburq"un baş məşqçisi Adolf Hütter deyib.

"Zalsburq" bu gün Çempionlar Liqasının III təsnifat mərhələsi çərçivəsində "Qarabağ"ın qonağı olacaq. Komandanın baş məşqçisi oyundan əvvəl mətbuat konfransı keçirib: "Biz öz oyunumuzu göstərməyə çalışacağıq. Həkimlərlərlə məsləhətləşmişik. Yatmaq, qida və digər amilləri nəzərə alaraq, gec gəldik və bu komandaya heç bir mənfi təsir etməyəcək. Hazırda məni "Qarabağ" deyil, öz komandam maraqlandırır. İki futbolçumuz oynamayacq. Lakin yetərincə futbolçularımız var və onlar bu boşluğu aradan qaldıracaq. Komandada fərdi ustalıqdan daha çox, indi hansı formada olamqlarıdır və hamı özünə güvənir".

Hütter "Qarabağ"ın azarkeşlərindən çəkinmədiklərini bildirib: "Azarkeşləri də möhtəşəmdi. Bilirəm ki, 30 minə yaxın azarkeş olacaq. Biz buna hazırıq. Stadionda atmosfer də fərqli olacaq, lakin bu bizim oyunumuza təsir etməyəcək.