"Qalatasaray" daha bir futbolçu transfer edir

Nordin Amrabat, Bruma və Danini icarəyə verib, Albert Rieranı göndərməklə legioner limitində boşluq yaradan klub Guillermo Burdissonu heyətə qatır.

Bu barədə "Qalatasaray"ın prezidenti Ünal Aysal məlumat verib. Prezident bildirib ki, "Boka Xuniors"un mərkəz müdafiəçisi ilə artıq anlaşma əldə olunub. Onun transferini baş məşqçi Roberto Mançini istəyib. 

"Qalatasaray"ın mətbuat katibi Şükrü Ergün isə açıqlamasında Burdissonun bu gün İstanbula gələrək müqavilə imzalayacağını bildirib. 

Qeyd edək ki, Burdisso 2012-ci ildən "Boka Xuniors"da çıxış edir - 41 oyun, 3 qol. 25 yaşlı mərkəz müdafiəçisi əvvəllər Argentinanın "El Porvenir", "Rosario Sentral", "Arsenal de Sarandi" və İtaliyanın "Roma" klublarında top qovub. Guillermo 2010-cu ildə Argentina millisində bir oyun keçirib. Kosta Rikaya qarşı oynayan futbolçu debüt matçında qol vurub.