Avropa Liqasının VI oyun günündə baş tutmuş “Qarabağ” – “İnter” (İtaliya) oyunun 90+4-cü dəqiqəsində baş verən olay bütün ictimayyəti şoka saldı. 

Mediatv.az klubun saytına istinadən xəbər verir ki, “Qarabağ”ın vitse-prezidenti Tahir Gözəl bu məsələ biganə qalmayaraq əlimizdə olan bütün sübutlarla birgə UEFA-ya şikayət məktubu yazılmasını tələb edib.Tələbə uyğun olaraq məktub yazıldı və UEFA-ya göndərildi. Bununla da yetinməyən “Qarabağ”ımızın başqanı Tahir Gözəl İsveçrəyə getməyə hazırlaşır.  “Qarabağ”ın haqqını qorumaq üçün. O, UEFA-dan gələcək cavab əsasında İsveçrəyə gedib lazımi şəxslərlə “Qarabağ”ın hüquqularını qorumaq üçün görüşlər keçirəcək. Artıq “Avropa Liqası” yarışının direktoru Giorgi Marchetti ilə görüş günü təyin edilib.

Oyunu idarə edən çexiyalı hakimlər briqadası Riçard Almeydanın vurduğu qolu hesaba almayınca oyun 0:0 baş çatdı. Nəticədə qrupda 6 xal toplayan komandamız 3-cü sırada qərarlaşaraq yarışla vidalaşdı. Baş vermiş olaydakı haqsızlıq ictimayyətə böyük təzyiq yaradıb. Son dəqiqədə 1/18 finaldan kənarda qalmağımız hər kəsin üzüntüsünə səbəb olub.