Sumqayıtın 13-cü mikrorayon ərazisində fəaliyyət göstərən 24 saylı orta məktəbdə ölüm hadisəsi qeydə alınıb.

Mediatv.az-ın APA-ya istinadən verdiyi məlumata görə, məktəbdə təmir işləri aparan Lerik rayon sakini, 1983-cü il təvəllüdlü Elbrus Firuddin oğlu Məmmədov məktəbin damından yıxılaraq ölüb.

Faktla bağlı Sumqayıt şəhər Prokurorluğunda Cinayət Məcəlləsinin 162-ci (əmək mühafizə qaydalarını pozma) maddəsi ilə cinayət işi başlanıb, araşdırma aparılır.