Gəncədə piyadanın ölümü ilə nəticələnən yol-nəqliyyat hadisəsi baş verib.

Mediatv.az-ın APA-ya istinadən məlumatına görə, hadisə şəhərin Heydər Əliyev prospektində, 32 saylı orta məktəbin qarşısında qeydə alınıb.

Bildirilir ki, yolu keçmək istəyən piyada qadın “VAZ 21 015” markalı avtomobil tərəfindən vurulub. Qadın hadisə yerində ölüb. Onun şəxsiyyətinin müəyyənləşdirilməsi üzrə tədbirlər görülür.

Faktla bağlı Gəncə şəhər Baş Polis İdarəsində araşdırma aparılır.