Bakıda metaləritmə sexində yanğın nəticəsində 2 nəfər xəsarət alıb. 

Mediatv.az FHN-nin saytına istinadən xəbər verir ki, yanğın paytaxtın Qaradağ rayonunda vətəndaşa məxsus ümumi sahəsi 1500 m2 olan metaləritmə sexində baş verib.

Nəticədə sexin ərazisində 10 m2 sahədə stol-stul, 1 ədəd rəf və 1 ədəd  elektrik lövhəsi yanıb. Yanğın zamanı 2 nəfər yanıq xəsarətləri alıb.  

Sexin qalan hissəsi yanğından mühafizə olunub. Yanğın saat 19:09-da yanğınsöndürənlər tərəfindən söndürülüb.