“Ayndıdır ki, keçən il Qarabağ münaqişəsinin nizamlanması üçün çox təhlükəli il oldu. Bu il isə atəşkəs xəttində daha ciddi silahların tətbiq olunması baxımından daha təhlükəli ola bilər”.
Mediatv.az xəbər verir ki, bu açıqlama ilə britaniyalı jurnalist, Karneqi Fondunun elmi əməkdaşı Tomas De Vaal çıxış edib.
Onun sözlərinə görə, Qarabağ probleminin diplomatik həllindən başqa alternativi yoxdur. Buna sübut Vyanada əldə olunmuş razılaşmadır. O, təmas xəttində atəşkəsə nəzarət mandatının möhkəmləndirilməsinin vacibliyini, bu tələbin həm Ermənistan, həm Azərbaycan hökumətlərinə ünvanladığını qeyd edib.
“Lakin bu işləmədi, müqavilə imzalanmadı. Niyə? Aydındır ki, səhv baş verdi. Vacibdir ki, ATƏT-in Minsk qrupu üzvü olan bir ölkə bu müqavilənin imzalanması məsuliyyətini öz üzərinə götürsün. Mümkün ki, bu tərəf xarici işlər naziri Sergey Lavrovun simasında Rusiya olmalıdır. Bundan əlavə, ATƏT-in Minsk qrupunun formatı möhkəmləndirilməlidir, həmsədrlər isə öz növbəsində Vyana razılaşmasına yenidən baxmalıdırlar, əgər münaqişənin yenidən alovlanmasını istəmirlərsə”.