ATƏT-in Minsk Qrupu Dağlıq Qarabağ münaqişəsi zonasında vəziyyətin gərginləşməsi ilə bağlı məsələni müzakirə etmək üçün gələn həftə Vyanada iclas keçirəcək. 
Mediatv.az-ın məlumatına görə, bu barədə xəbəri “RİA Novosti” yayıb. 

Məlumatda deyilir ki, həmsədrlər Dağlıq Qarabağda yaranmış vəziyyətlə bağlı ATƏT-in Minsk qrupunun üzvlərini məlumatlandıracaqlar:

`Təmas xəttində gərginliyin davam etməsi fonunda ATƏT-in münaqişənin həllində rolu nəzərə alınmaqla, gələn həftə müntəzəm məsləhətləşmələr çərçivəsində Dağlıq Qarabağ üzrə həmsədr ölkələr üçlüyü (Rusiya, ABŞ, Fransa) toplaşacaq.

Onlar Minsk Qrupu üzvlərinə yaranmış vəziyyət və həmsədrlərin bu həlli uzanan münaqişənin tezliklə həlli istiqamətində sonrakı addımları barədə məlumat verəcəklər".

Bundan başqa Rusiya Xarici İşlər Nazirliyinin sözçüsü Mariya Zaxarova bildirib ki, rəsmi Moskva ATƏT-in Minsk qrupunun həmsədrləriylə məsləhətləşmələrə başlayıb.