Binəqədidə təhlükə saçan obyekt:Qanunsuz tikinti, susan qurumlar-VİDEO

Ana səhifə Bizimlə əlaqə

Qarabağda bərpa, yoxsa biganəlik? Şəhid ailəsinin evində acınacaqlı vəziyyət-VİDEO

İlham Əliyev 20 Yanvar şəhidlərinin xatirəsini yad etdi - Fotolar

Zəngilanda otel tikintisində fəhlələrin maaşları niyə verilmir? -Video

Qazi Elvin İsmayılzadə Tərtərin İcra başçısının möhtəşəm villasının videosunu paylaşdı VİDEO

Güzdəkdə dağlar yarılır, qanunsuz gil daşınır: Elşən Ələkbərovu hansı məmur himayə edir?-VİDEO

SOCAR ərazisində qanunsuz tikintiyə: Binəqədi icra hakimiyyəti göz yumur – VİDEO

Yasamalda daha bir qanunsuz obyekt inşa edildi - Səki zəbt olundu

Elçin Carçıyevin şirkətlərində nə baş verir? - Külli miqdarda borc yaranıb

Karusel / Redaktor seçimi (Dünən, 22:02)
Binəqədidə təhlükə saçan obyekt:Qanunsuz tikinti, susan qurumlar-VİDEO

Binəqədi rayonunda, Şah Abbas küçəsi ilə Dəyirman yolunun kəsişməsində, “777” tikinti malları mağazasının arxasında aparılan nəhəng tikinti işi ciddi suallar doğurur. Redaksiyamıza daxil olan məlumatlara görə, sözügedən tikinti qanunsuzdur və bu fakt təkcə şəhərsalma qaydalarının pozulması ilə məhdudlaşmır.
Mediatv.az xəbər verir ki, tikinti aparılan ərazi Dövlət Neft Şirkətinin (SOCAR) balansında olan torpaq sahəsidir. Daha təhlükəlisi isə odur ki, obyekt fəaliyyətdə olan neft quyusunun bir neçə metrliyində inşa edilir. Bu isə həm təhlükəsizlik, həm də ekoloji baxımdan açıq-aşkar risk deməkdir.Məlum qanunvericiliyə əsasən, neft-qaz sənayesi obyektlərinin ətrafında mühafizə zonaları müəyyən edilir və həmin zonalarda hər hansı tikinti işi aparmaq qəti qadağandır.
Bəs bu halda sual yaranır,Bu tikintiyə kim icazə verib?
SOCAR-ın balansında olan torpaq sahəsində hansı əsasla özəl tikinti aparılır?
Fövqəladə Hallar Nazirliyi, Dövlət Şəhərsalma və Arxitektura Komitəsi, eləcə də Binəqədi Rayon İcra Hakimiyyəti bu prosesdən xəbərsizdir, yoxsa xəbərdar olub göz yumur?
Ərazidə aparılan tikinti işlərinin miqyası onu göstərir ki, söhbət adi fərdi evdən yox, iri obyekt tikintisindən gedir. Ağır texnika, beton konstruksiyalar və intensiv iş prosesi onu deməyə əsas verir ki, bu tikinti təsadüfi deyil və müəyyən “himayə” olmadan mümkün ola bilməz.
Unutmaq olmaz ki, neft quyularının yaxınlığında aparılan tikinti işləri partlayış, yanğın və insan tələfatı riski yaradır. Bu cür məsuliyyətsizlik təkcə qanunlara yox, həm də insanların həyatına meydan oxumaqdır.
İctimaiyyət haqlı olaraq cavab gözləyir,bu qanunsuz tikinti dayandırılacaqmı, yoxsa növbəti dəfə də fakt qarşısında susqunluq nümayiş etdiriləcək?
Xatırladaq ki,Azərbaycan Respublikası Prezidentinin 24.11.2014-cü il tarixli 375 nömrəli Fərmanı ilə təsdiq edilmiş "Dövlət şəhərsalma nəzarətininhəyata keçrilməsi Qaydaları"nın 4-cü bəndinin və 2012-ci il 6 iyun tarixli 648 nömrəli Fərmanı ilə təsdiq edilmiş “Yerli icra hakimiyyətləri haqqında” Əsasnamənin 4.16-cı bəndinə əsasən icra hakimiyyətləri rayon ərazisində müntəzəm olaraq tikintilərə nəzarət məqsədilə monitorinqlər aparmalı, qanunsuz tikililərin qarşısını almaq üçün lazımi hüquqi tədbirlər görməlidirlər.
Qarşı tərəfin cavab haqqını tanıyırıq.
Mediatv.az