“Günəşli” yatağının yanğın baş vermiş 10-cu dərin dəniz özülündə  33 nəfər xilas edilib. 

Mediatv.az xəbər verir ki, bu barədə APA-ya “Azneft” İB-də yaradılan qərargahdan məlumat verilib.

* * *

“Günəşli” yatağının yanğın baş vermiş 10-cu dərin dəniz özülündə xilasetmə və axtarış tədbirləri davam etdirilir.
APA-nın əldə etdiyi məlumata görə, hadisə ilə bağlı SOCAR,Fövqəladə Hallar Nazirliyi və Baş Prokurorluğun birgə məlumat yayacağı gözlənilir.
Hadisə baş verən zaman özüldə 63 nəfər olub. Onların böyük əksəriyyəti hadisə zamanı ehtiyat qayıqlara toplaşıblar. Hadisə ilə bağlı “Azneft” İstehsalat Birliyində yaradılmış operativ qərargahdan verilən məlumata görə, indiyə qədər qayıqlardan və platformadan 32 nəfər xilas olunub, bir nəfər isə həlak olub.