Onun «kəşf» etdiyi yeni biznes isə dövlət büdcəsindən ayrılmış vəsaitlərin taoanması ilə yanaşı, həm də bu pulların vahid cibə axınını təşkil etmək niyyəti güdür. 

Məlumatda vurğulanır ki, Əzizovun yeni gəlir yeri dəftərxana ləvazimatlarının satışı ilə bağlıdır. Sumqayıtda bir neçə iri dəftərxana ləvazimatları satan dükanlar açan icra başçısı tender yolun ilə sözügedən məhsulların satışını təşkil edir. Verilən məlumata görə, hər il bu yolla Sumqayıtın rəhbəri yüz minlərlə manata sahib olmağı bacarıb 

Qeyd edək ki, adətən belə işlər əsasən yerli icra nümayəndələri və ya dövlət idarələrinin əliylə həyata keçirilir. Məsələn, bu yaxınlarda Hacı Zeynalabidin adına qəsəbənin İcra Nümayəndəliyinə dəftərxana ləvazimatlarının alınması üçün 39110 manat pul ayrılıb. «Midiya-A» firması tərəfindən alışı təmin ediləcək bu prosesin bəhrəsini isə Eldar Əzizov görəcək. Çünki həmin pulları icra başçısının dükanında xırd ediləcək. 

Digər tərəfdən, bir qəsəbə üçün 39 min manatlıq dəftərxana ləvazimatının alınması sadəcə, büdcə pullarını silmək üçün nəzərdə tutulub. Əhalisi 10 mindən bir qədər artıq olan qəsəbədə bu qədər dəftərxana ləvazimatından istifadə olunması qeyri-mümkündür.