"Azərbaycan Rusiyanın Cənubi Qafqaz və Xəzər bölgəsində vacib strateji tərəfdaşıdır"

Gündəm (25-05-2015, 14:05)
"Azərbaycan Rusiyanın Cənubi Qafqaz və Xəzər bölgəsində vacib strateji tərəfdaşıdır"

Rəsmi Moskva Azərbaycan rəhbərliyinin Rusiya ilə qarşılıqlı faydalı əməkdaşlığın dərinləşdirilməsi istiqamətində tutuduğu ardıcıl xətti çox yüksək qiymətləndirir.

Mediatv.az xəbər verir ki, bunu Rusiya XİN Azərbaycan xarici işlər naziri Elmar Məmmədyarovun Moskvaya səfəri ilə bağlı mövqeyini açıqlayarkən bəyan edib.

Rusiya XİN bəyan edir ki, bu baxımdan da biz E. Məmmdəyarovun Moskvaya səfərinə Rusiya və Azərbaycan arasındakı siyasi dialoqun inkişaf etdirilməsi istiqamətində atılan addımlar kontekstinin davamı kimi dəyərləndiririk.

Rusiya XİN bir daha bəyan edir ki, Azərbaycan Rusiyanın Cənubi Qafqaz və Xəzər bölgəsində vacib strateji tərəfdaşıdır: “Ona görə də Bakı ilə əlaqələrimizi bərabərhüquqlu, qarşılıqlı maraqlara hörmət və mehriban qonşuluq əsasında qururuq. Bizim qarşılıqlı əlaqələrimizin prinsip və prioritetlərini müəyyən edən əsas sənəd 1997-ci il 3 iyulda iki ölkə arasında imzalanmiş dostluq, əməkdaşlıq və qarşılıqlı təhlükəsizlik haqqında Müqavilədir. Əlaqələrimizə növbəti təkanı verən sənəd isə 3 iyul 2008-ci ildə imzalanan dostluq və strateji tərəfdaşlıq haqqında Bəyannamədir.”

2014-cü ildə iki ölkə arsındakı ticarət dövriyyəsi 4 mlrd. Dollar təşkil edib. Hazırda 15 sentyabr 2014-cü ilə Hökumətlərarası birgə komissiyasında qəbul edilmiş qərarların icrasi istiqamətində aktiv iş gedir. Bundan əlavə olaraq tərəflər iki ölkə arasında 2020-ci ilədək ölkələri arsında uzunmüddətli İqtisadi əməkdalıq Proqramı üzərində yekunlaşdırmaq üzrədirlər.

Azərbaycanın kənd təsərrüfatı məhsullarının Rusiyaya ixracınin artırılması istiqamətində birgə işlər görülür. Bu məqsədlə xüsusu işçi qrup yaradılıb. Azərbaycanla rusiya arasında əsas qarşılıqlı əlaqələr regionlararası əlaqələr üzərində qurulub. Hazırda Rusiyanın 71 subyektindən 500-dən artıq şirkətlə birbaşa əlaqələr qurulub. Rusiya-Azərbaycan arasında həri il keçirilən regionlararası forumlar bu cür əlaqələrin möhkəmlənməsinə xidmət edir və Rusiya bu istiqamətdə əldə edilən müsbət praktikanı gələcəkdə də davam etdirmək niyyətindədir.

Gündəm (25-05-2015, 14:05) "Azərbaycan Rusiyanın Cənubi Qafqaz və Xəzər bölgəsində vacib strateji tərəfdaşıdır"

Gündəm (25-05-2015, 14:05)
"Azərbaycan Rusiyanın Cənubi Qafqaz və Xəzər bölgəsində vacib strateji tərəfdaşıdır"