Böyük Britaniya Rusiyaya qarşı sanksiyaları genişləndirib.

Mediatv.az xəbər verir ki, bu barədə məlumatı “TASS” yayıb.

Məlumata görə, 350-dən çox rusiyalı fiziki və hüquqi şəxsə qarşı yeni məhdudiyyətlər tətbiq edilib. Onların arasında Rusiya Təhlükəsizlik Şurasının sədr müavini Dmitri Medvedev, Baş nazir Mixail Mişustin, Rusiya XİN-in sözçüsü Mariya Zaxarova, kinorejissor Sergey Solovyov, jurnalist Olqa Skabeyeva da var.

Bununla yanaşı, London biznesmenlər Mixail Fridman və Petr Avenin aktivlərini dondurub və onların ölkəyə girişinə qadağa qoyulub.

Həmçinin Rusiya Prezidentinin mətbuat katibi Dmitri Peskovun həyat yoldaşı Tatyana Navka, Peskovun qızı ilə oğlu Yelizaveta Peskova və Nikolay Peskova qarşı da sanksiya tətbiq edilib.