Ukraynanın xarici işlər naziri Dmitri Kuleba iranlı həmkarı Hüseyn Əmir Abdullahian ilə telefon danışığı zamanı Rusiyanın XİN rəhbəri Sergey Lavrova ismarışını çatdırmağı istəyib.

Mediatv.az “TASS”a istinadən xəbər verir ki, bu barədə Rusiyada səfərdə olan İranın xarici işlər naziri Hüseyn Əmir Abdullahian Sergey Lavrovla görüşündən sonra keçirdiyi mətbuat konfransında danışıb.

“Dünən axşam Ukraynanın xarici işlər naziri ilə telefon danışığım oldu. Ukraynanın XİN rəhbəri məndən cənab Lavrova Ukraynanın münaqişənin siyasi yolla həllinə tərəfdar olduğu mesajını çatdırmağımı xahiş etdi”, - deyə Abdullahian qeyd edib.