İran Şanxay Əməkdaşlıq Təşkilatının üzvləri sırasına qəbul olunub.

Mediatv.az xarici KİV-nə istinadən xəbər verir ki, bu barədə qərar təşkilatın Tacikistanın paytaxtı Düşənbə şəhərində keçirilən iclası zamanı verilib. 

Məlumata əsasən, təşkilata üzv ölkələrin Prezidentlərinin zirvə görüşünün yekunlarına əsasən, üzvlər “İranın Şanxay Əməkdaşlıq Təşkilatına üzv olaraq qəbul edilməsi prosedurunun başlanması barədə qərar”ı imzalayıblar.

İran bundan əvvəl Şanxay Əməkdaşlıq Təşkilatında müşahidəçi statusuna malik idi. Hazırda ŞƏT-nə üzv ölkələr Çin, Rusiya, Qazaxıstan, Tacikistan, Qırğızıstan, Özbəkistan, Pakistan və Hindistandır. Əfqanıstan, Belarus və Monqolustan isə müşahidəçi ölkələrdir. Bununla belə, Azərbaycan, Ermənistan, Kamboca, Nepal, Türkiyə və Şri-Lanka isə təşkilatın partnyor ölkələridirlər.