“Qafqazinfo” bu barədə “Newsweek”ə istinadən xəbər verir.

Belə ki, Trampa mətbuat konfransı zamanı Zelenskini “diktator” adlandırdığı üçün ondan üzr istəyəcəyi ilə bağlı sual ünvanlanıb.

Amerika lideri isə cavabında “Mənim ona böyük hörmətim var. Düşünürəm ki, görüşümüz çox yaxşı olacaq. Biz anlaşacağıq. Biz ona həddən artıq texnika və pul verdik, onlar da çox cəsarətlə döyüşdülər”, - deyə bildirib.

Xatırladaq ki, Tramp bir neçə gün öncə özünün sahibi olduğu “Truth” sosial şəbəkəsində Zelenski barədə “diktator” ifadəsini işlədib və qeyd edib ki, o, ölkəsində seçkilərin keçirilməsini istəmir. Daha sonra Tramp jurnalistin bu məsələ ilə bağlı sualını təkzib etsə də, həmin paylaşımı sosial şəbəkə hesabından silməyib.