Rusiya və Ukrayna arasında davam edən döyüşlər dalana dirənib.

Mediatv.az xəbər verir ki, bu barədə Böyük Britaniya Müdafiə Nazirliyinin Kəşfiyyat Xidmətinin yaydığı məlumatda qeyd olunub.

Kəşfiyyat Xidmətindən bildirilib ki, son günlər ən ağır döyüşlər üç istiqamətdə cəmləşib.

"Şimal-şərqdə, Kreminna yaxınlığında, Ukrayna çox güman ki, kiçik uğurlar əldə edib və Rusiyanın əks-hücumundan uğurla müdafiə olunub. Donetsk vilayəti ətrafında, Baxmut sektorunda, bu həftənin əvvəlində ələ keçirilən Soledarda Rusiyanın silahlı qüvvələri və "Vaqner" qüvvələri yenidən özünü bərpa edir".

Məlumatda qeyd olunur ki, cənubda, Zaporojye vilayətində hər iki tərəf artilleriyadan istifadə edir, lakin hər hansı genişmiqyaslı hücum cəhdindən yayınırlar. Britaniya Müdafiə Nazirliyi əlavə edir ki, bu istiqamətdə hər iki tərəf böyük qüvvələr toplayıb.

"Bütövlükdə, münaqişə dalana dirənib. Bununla belə, Baxmut ətrafında yerli rusların irəliləməsinin real ehtimalı var", Britaniya Müdafiə Nazirliyi bildirib.шаблоны для dle 11.2