Ermənistanın xarici işlər naziri Ararat Mirzoyan Türkiyəyə səfər edəcək.

Mediatv.az “Sputnik Ermənistan”a istinadən xəbər verir ki, bu barədə məlumatı A.Mirzoyan parlamentdə çıxışı zamanı açıqlayıb.

Onun sözlərinə görə, türkiyəli həmkarı Mövlud Çavuşoğludan bu il də Antalya Diplomatiya Forumunda iştirak etməklə bağlı dəvət alıb və forumda iştirak etmək niyyətindədir.

Xatırladaq ki, Antalya Diplomatiya Forumunun martın 10-12-si keçiriləcəyi gözlənilir. Ararat Mirzoyan ötən il ilk dəfə sözügedən forumda iştirak edib.