Mediatv.az saytının sadiq oxucuları xatırlayarlar: Əmək və Əhalini Sosial Müdafiəsi Nazirliyinin sabiq rəhbəri Səlim Müslümovun rəvac verdiyi korrupsiya pozuntularının əsas icraçılarından olan sadiq kadrlarından biri - Günel Nəsibovanın hələ də Nazirlikdə mühüm vəzifə daşımasını yeni nazir cənab Sahil Bbayevin başladığı mütərəqqi islahatlara əngəl olacaq amil kimi altını çızmışdıq. Bu mövzuda yazdığımız əvvəlki məqalədə G.Nəsibovanın diplomunun legitimliyinin şübhə doğurması barədə etibarlı mənbədən verilən məlumatı paylaşmışdıq. Redaksiyamıza daxil olan növbəti informasiyada bildirilir ki, G.Nəsibova keçmiş kənd təsərrüfatı naziri Heydər Əsədovun yaxın qohumudur. Məlumatda qeyd olunur ki, S.Bbayevin formalaşdırmaqda olduğu yeni komandada yer almaq üçün özünü təmiz kadr kimi təqdim edən G.Nəsibova əslində hələ Müslümovun hakimiyyəti dönəmindən Nazirliyin yerli struktur vahidləri olan Məşğulluq və TSEK rəhbərlərinin boynuna aylıq "taqsa" qoyub və hal-hazırda da həmin qayda ilə işləmək əzmindədir. Məlumatda həmçinin bildirilir ki, Səlim Müslümov Nazirlikdə baş verən prosesləri özünün köməkçisi olmuş İqbal müəllimin və müşaviri olmuş əmisi oğlu Yalçın Müslümovun vasitəsilə izləməkdə davam edir.Mediatv.az-a verilən məlumata görə adı çəkilən şəxlərə məlumatı isə Günel Nəsibova çatdırır. Daha ilginc xəbər budur ki, sabiq nazirin idarəçiliyi dönəmində Günel Nəsibova - Əjdər Cəbiyev tandemi vasitəsilə işə düzəlmək məqsədilə onlara rüşvət verən şəxslər indi pullarını geri almaq üçün get-gəldə qalıblar. G.Nəsibova isə fəaliyyətdə olan kadrları inandırmağa çalışır ki, Nazirliyin yeni aparat rəhbərinin yaxın adamıdır deyə ona zaval yoxdur