İslam dini İndoneziyada azərbaycanlının sayəsində yayılıb.

Mediatv.az olke.az-a istinadən xəbər verir ki, bunu avqust ayında Bakıda keçirilən brifinqdə İndoneziyanın səfiri bildirib.

Səfir bildirib ki, İndoneziya dünyanın ən böyük müsəlman ölkəsidir. İndoneziyanın Yaxın Şərq və Orta Asiyadan, yəni İslamın tarixi cəhətdən çox inkişaf etdiyi regionlardan uzaqda yerləşdiyi vurğulanıb.

Səfir deyib: "İndoneziya İslamla XIV əsrdə Səmərqənddə yaşayan üləma Malik İbrahim sayəsində tanış olub. Mənbələrdən məlumdur ki, Malik İbrahim Səmərqəndə Xəzər sahilindən, məhz Azərbaycandan gəlib. O, Səmərqənddə İslam dinini dərindən öyrənərək İndoneziyaya səfər edib. Beləcə, İslam dini İndoneziyada azərbaycanlı üləma sayəsində yayılıb"