Şabran Rayon Dövlət Yol Polisi (DYP) Bölməsinin rəisi tutduğu vəzifədən azad edilib.

Mediatv.az - ın xəbərinə görə, polis mayoru Söhbət Talıbov vəzifəsindən uzaqlaşdırılaraq sərəncama götürülüb.

Onun müavini isə daxili işlər orqanlarından xaric edilib. Bu addımlara səbəb kimi, onların vəzifələrinin və qarşıya qoyulan tapşırıqların öhdəsindən layiqincə gəlməmələri göstərilir.

Qeyd edək ki, bir müddət öncə Söhbət Talıbovun Şabran rayonunda gənclərlə mübahisə etməsi ilə bağlı məlumatlar yayılmışdı.