Mediatv.az:   Qazax rayon mərkəzi xəstəxanasının cərrahiyyə şöbəsinin qəssabı hesab edilən Bünyamin Abbasəliyev, təxminən 4 gün əvvəl Ağstafa rayon Pirili kən sakini, yaşı 40-dan yuxarı olan Ələsgərova (Mədədova) Gülxar Mədəd qızının faciəli ölümünə də imza atdı. Hər adam həyatını bəlkə də 50-yə yaxın insan ölümündə suçulanan Bünyamin Abbasəliyevə etibar etməsə də, ən çox tərəfsiz adamlar həkimin cərrah bıçağının altına düşə bilir. Odlar Yurdu Universitetinin tibb fakültəsini qurtaran oğlu ilə xəstələr üzərində əməliiyyat keçirən Abbasəliyev heç vaxt işinin öhdəsindən layiqincə gələ bilməyib. Ölüm hadisələri ilə əlaqədar dəfələrlə prokurorluqda dindirilən Abbasəliyev varının hesabına həmişə də orqanlardan salamt sürüşə bilib. Mərhum Ələsgərova Gülxarın ölümü isə rayonda şok yaradıb. Xəstə əməliyyatdan 4 gün sonra 40 təzyiqlə Gəncəyə çatdırılıb. Həkimlkər xəstənin öləcəyini bilib, qohumlarını dilindən kağız alaraq, Allah təvəkkül deyərək yenidən əməliyyat keçirirlər. Xəstə yarılanda həkimlər şoka düşürlər. Xəstənin əməliyyat yerindən çoxlu bint və tibbi alət çıxarırlar. Bint və tibbi alət xəstədən kənarlaşdırılsa da, ölüm xəstədən kənarlaşa bilmir. Görünür, su başdan bulanır. Rayonda mərkəzi xəstəxananın baş həkimini də hesaba almayan, hər an öz haqsızlıqlarını müdafiə edən, xəstələrin qanı bahasına Qazaxda özünə biznes quran Binyamin Abbasəliyevin xəmiri, belə getsə hələ çox su aparacaqdır. Azərbaycan səhiyyəsində baş alıb gedən özbaşınalıqlara, nəzarətsizliyə, sağlam uşaqlığın çıxarılmasına, sağlam ayaqın kəsilməsinə və sairəyə diqqət yetirməyəndə Bünyamin Abbasəliyev kimiləri hələ özləırini çox naşı aparacaqlar.
Gundelik-Baku.com