Azərbaycanın baş pediatrı: "Uşaqlarda qurda yoluxma halları artıb"

Ana səhifə Bizimlə əlaqə

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Cəmiyyət (31-03-2016, 14:40)
Azərbaycanın baş pediatrı: "Uşaqlarda qurda yoluxma halları artıb"

Azərbaycanın baş pediatrı:

"Bu gün bizi ən çox narahat edən problem uşaqların tənəffüs sistemi xəstəlikləridir. Xarici mühitlə ən çox təmasda olan sistem məhz tənəffüs sistemidir. Ona görə də xarici mühit faktorlarının tənəffüs üzvlərinə təsiri digər sistemlərə nisbətən daha qabarıqdır. Təəssüf ki, nəfəs aldığımız havanın tərkibində milyonlarla miqdarda və adda bakteriya və viruslar mövcuddur. Bu səbəbdən, dünyada olduğu kimi, Azərbaycanda da tənəffüs sistemi xəstəlikləri ön sıralardadır".

Mediatv.az-ın məlumatına görə, bunu Elmi-Tədqiqat Pediatriya İnstitutunun direktoru, ölkənin baş pediatrı Nəsib Quliyev Azərbaycanda uşaqların icbari dispanserizasiyasının monitorinqinin nəticələri barədə hesabatı açıqlayarkən deyib.

O qeyd edib ki, narahatedici digər məsələ qan və qan yaradıcı orqanların xəstəlikləridir: "Onların da böyük əksəriyyəti anemiyalardır. Anemiyaların da ən geniş yayılan forması defisitli anemiyalardır. Bunun da əsas səbəbi uşaqlara göstərilən qulluq və qidalanmanın düzgün olmamasıdır. Bu da əksər hallarda ailələrdən, uşaqların bəslənildiyi yerlərdən qaynaqlanır".

N.Quliyev deyib ki, uşaqlarda anemiyanın ilk əlamətləri əsasən 2,5-3 aylığından sonra müşahidə edilməyə başlanılır: "Bunun vaxtında qarşısının alınması üçün uşaqlar düzgün qidalanmalıdır. İlk növbədə uşaqlar ana südündən məhrum edilməməlidir. Süni qida ilə qidalanma uşaqlarda anemiyanın əmələgəlmə riskini daha da artırır. Qərara gəlmişik ki, uşaqların ilk iki ilində ana südü ilə qidalanması hallarını artırmaq üçün maarifləndirmə işlərini artıraq".

Ölkənin baş pediatrı əlavə edib ki, xüsusilə bölgələrdə müayinə zamanı uşaqlar arasında qurda - ermitozlara yoluxma halları son zamanlar daha da artıb: "Səhiyyə Nazirliyi tərəfindən lazım olan miqdarda qurdqovucu preparatların istifadə edilməsinə baxmayaraq, bu sahədə vəziyyət o qədər də qənaətbəxş deyil. Bu da ailələrdə gigiyenik qaydalara əməl edilmədə buraxılan səhvlərdən qaynaqlanır. Ona görə də bu sahəyə diqqətimizi daha da artırmalıyıq".