Dövlət Statistika Komitəsindən Trend-ə verilən məlumata görə, 2014-cü ildə Azərbaycanda 55 648 nəfər dünyasını dəyişib. Onların 33 453-ü qan dövranı sistemi xəstəliklərindən, 7 001 nəfəri yenitörəmələrdən, 1 990-ı tənəffüs sistemi xəstəliklərindən, 2 721-i zədələnmə, zəhərlənmə, xarici təsirlərin təsirinin digər nəticələrindən ölüb. 

Ötən il qan dövranı xəstəliklərindən ölənlərin sayında azalma müşahidə edilsə də, yenitörəmələrdən, tənəffüs sistemi xəstəliklərindən, zədələnmə, zəhərlənmə, xarici təsirlərin təsirinin digər nəticələrindən ölənlərin sayı artıb.

2013-cü ildə Azərbaycanda dünyasını dəyişən 54 383 nəfərin 34 379-u qan dövranı sistemi xəstəliklərindən, 6 383-ü yenitörəmələrdən, 1 529-u tənəffüs sistemi xəstəliklərindən, 2 234-ü zədələnmə, zəhərlənmə, xarici təsirlərin təsirinin digər nəticələrindən ölüb.