Ədliyyə Nazirliyinin baş idarə rəisi işdən azad olunub.

Mediatv.az xəbər verir ki,  Unikal.org-a daxil olan məlumata görə, Ədliyyə Nazirliyinin İcra Baş İdarəsinin rəisi, Baş icra məmuru, III dərəcəli dövlət ədliyyə müşaviri, ədliyyə genreralı Xanlar Zeynal oğlu Zeynalov martın 18-də vəzifəsindən uzaqlaşdırılıb.
X.Zeynalovu Bakı Apellyasiya Məhkəməsinin hakimi Nurəddin Mustafayev əvəz edir.
Məsələ ilə bağlı unikal.org-a açıqlama verən Xanlar Zeynalov işdən çıxması ilə bağlı bunları deyib: “Mən uzun müddətli məzuniyyətə çıxmışam. Mart ayının 19-da işçiləri yığdım onlarla sağollaşdım və işlərində möhkəm olmağı tövsiyə etdim. Məni Bakı Appelliyasiya Məhkəməsinin hakimi Nurəddin Mustafayev əvəz edəcək. O əvvəllər Sabail Rayon İcra şöbəsinin rəisi vəzifəsində çalışıb”.