İqtidar deputatından hakimiyyətdaxili proseslərlə bağlı şok açıqlamala

Ana səhifə Bizimlə əlaqə

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Cəmiyyət / Slayd (26-12-2015, 10:29)
İqtidar deputatından hakimiyyətdaxili proseslərlə bağlı şok açıqlamala

İqtidar deputatından hakimiyyətdaxili proseslərlə bağlı şok açıqlamalar

“Cahangir Hacıyevi himayə edənlər və danışdıranlar var”; Zahid Oruc Beynəlxalq Bankın sabiq rəhbərinin türmədən məktub yazması barədə ilginc faktlar sadaladı; “Kürdəxanı siyasi oyun mərkəzinə çevrilməkdə davam edir” söyləyən millət vəkili MTN çetesinin oğurladığı milyardların marşrutu haqda danışdı

Mediatv.az xəbər verir ki, onun bu məktubuna iqtidaryönümlü deputat Zahid Oruc cavab verib. “Yeni Müsavat” qəzetinə danışan deputat son dərəcə sensasion məlumatlar açıqlayıb, həmçinin maraqlı təkliflərlə çıxış edib.

Z.Orucun açıqlamasında əsas diqqətçəkən məqamlardan biri də hakimiyyətdaxili ziddiyyətlərin etiraf olunmasıdır. İndiyədək iqtidar ideoloqları, hakimiyyəti müdafiə edən deputatlar, ayrı-ayrı siyasətçilər və qəzetçilər deyirdilər ki, iqtidarda monolitlik var, hamı eyni maraqlara, xəttə xidmət edir. Amma artıq iş o yerə gəlib çatıb ki, özləri dövlətin ən yuxarı instansiyalarında ciddi fikir ayrılıqlarının, qarşıdurmanın olmasını etiraf edirlər.

Son devalvasiya üzündən bu hal daha da dərinləşib. Artıq 21 dekabr şoku iqtidara qarşı olan qüvvələri bir qədər də ürəkləndirib. Bəs görəsən narazı təbəqələri ətrafına cəmləşdirmək üçün keçmiş maliyyəçilərin pulları kara gələ bilərmi? Bu suallara millət vəkili Zahid Orucdan cavab istədik. Deputat musavat.com-a bunları söylədi: “Təkcə Cahangir Haciyevin deyil, heç bir bəndənin qandallanmasını istəmirik. İnsanlıq borcu hər kəsdən bunu tələb edir. Lakin ortada böyük cinayət faktları varsa, onu təhqiq etmək də dövlət orqanlarının bir nömrəli vəzifəsidir. Bu yerdə başqa məmurları, yaxud müxtəlif imtiyazlı iqtisadi dövriyyələrdə yer alanları toxunulmaz şəxs kimi ortaya qoyub onlara nəzərən ədalət mühakiməsindən özünü kənarlaşdırmağa çalışmaq da çıxış yolu deyil. Çünki ”presedent hüququ" bizim qanunvericilik sistemimizdə yoxdur. Ortada olan faktların bir çoxu hər kəsə bəllidir. Beynəlxalq Bankın sistem yaradıcı qurum olaraq sərəncamında olan vəsaitlərin səmərəsiz xərclənməsi inkarolunmazdır. Əslində çoxdan aparılan belə iqtisadi diversiya fəaliyyəti neft bumunun söndüyü və dövlətin digər mənbələrə müraciət etdiyi zaman üzə çıxdı".

Z.Oruc bildirib ki, hazırkı devalvasiyanın böyük faizdə həyata keçirilməsi və manatın dollar qarşısında mövqeyini iki dəfə itirməsi təkcə xarici amillərlə deyil, daxili iqtisadi-maliyyə siyasəti ilə birbaşa bağlıdır:“Beynəlxalq Bank və Milli Təhlükəsizlik Nazirliyi xətti ilə ən azı 10 milyard manatdan artıq pul kütləsinin dövriyyədən və ölkədən çıxarılmasını bütün təhlillərin mərkəzinə qoymadan real mənzərəyə obyektiv qiymət vermək mümkün deyil. Əksər hissəsinin ofşor zonalarda olduğuna heç bir şübhə yeri qalmayan oğurluq pullar bir nəfər şəxsin deyil, ən azı iki hakimiyyət qurumunun dövlətə neçə böyük zərbə vura biləcəyini təsdiq edir. Əgər təkcə ”Akula Akif"in seyfindən çıxan onlarla mülkiyyət aktlarını - İspaniyadan Baham adalarına qədər olan villaları pula çevirib dövlətə qaytarmaq mümkün olsa, Azərbaycanda dollar kreditçilərinin yükünü bir xeyli yüngülləşdirmək mümkün olardı".

Deputat bu məqamda maraqlı təklif də verib: “Elə buradaca xüsusi qeyd etməyə dəyər ki, Respublika Prokurorluğu və məhkəmə orqanları hazırda istintaqı aparılan böyük maliyyə cinayətlərinin və talan edilmiş dövlət vəsaitlərinin geri qaytarılmasını şəffaf qaydada, hamının gözü qarşısında həyat keçirməlidir. Yoxsa, oğurlanmış külli miqdarda vəsaitlərin bir əldən digərinə keçməsi millətə heç bir fayda gətirməyəcək. Cahangir Hacıyevin müdafiəsi üçün mediaya ardıcıl yeridilən məlumatların təhlili göstərir ki, hazırda devalvasiya şoku altında olan cəmiyyətdə özlərinə böyük dayaqlar tapmaq, hakimiyyətiçi qruplaşmaların qurbanı olduqları barədə saxta rəy formalaşdırmaq və özünü təmizə çıxarmaq üçün məxfi bir əməliyyat planı qurulub.

Əgər belə davam etsə, Beynəlxalq Bankın sabiq rəhbəri növbəti ”siyasi məhbus siyahısı"nın başında gedəcək. MTN-in yüksək çinli generalları zərərsizləşdirilsə də onların bir zaman əhali üzərinə yeriyən media silahları ortada sabotajçı əməllərində qalmaqda davam edir. Sistemli bir şəkildə Maliyyə Nazirliyini hədəfə götürməklə, yaxud hakimiyyətin siyasi rəhbərliyindən aldıqları qərar hesabına yüz milyonlara dair sərəncam verdiklərini adamların gözünə üfürməklə və idarəçiliyin onlara bəlli olan sirlərini cəmiyyətə açacaqları şantajı ilə məhkəmə ətrafında böyük bir təzyiq mexanizmi qurulub. Hətta ideal sayıla biləcək bir ssenaridir.

Yüz milyonları oğurla, sonra onun kiçik bir hissəsini mediadakı və daxili-xarici QHT-lərə xərclə, bununla da istənilən ağır cinayətin altından çıxmağa imkan qazanacaqsan. C.Haciyevin belə ideallaşdırılması və əhaliyə məqsədli şəkildə hazırkı iqtisadi sıxıntıların günahkar ünvanı kimi Maliyyə Nazirliyinin göstərilməsi Fərhad Əliyevin, Əli İnsanovun mələkləşdirilməsi üçün həyata keçirilən təbliğat üsulu ilə eynidir. Sabah yüksək çinli məmurlar haqda kompromat dalğası yenidən tirajlansa (hərçənd Eldar Mahmudovun küfr yuvası söküləndən sonra proses xeyli səngiyib) bunu da əvvəlki xəttin davamı hesab edə bilərsiniz. Kürdəxanı siyasi oyun mərkəzinə çevrilməkdə davam edir. Hər gün yeni-yeni bəyanatlar hakimiyyət sisteminə müqavimətin məhz VİP məhbuslar tərəfindən həbsxanadan veriləcəyini deməyə imkan yaradır.

Dövlət idarəçiliyinin çətinliyi bax bundadır - dünənə qədər xalqın gözündə maliyyə-kredit sistemini çökdürən, iqtisadiyyata zərbə vuranlar, sonra demokratiyanın yol verdiyi hüquqlardan - çamur atmağa, dezinformasiyalar yaymağa, mediada zərərdidə obrazında təqdim olunmağa, nəticədə ictimai rəyi siyasi iqtidarın üstünə qaldırmağa fürsət verir. Mətbuata xərclənən qara pullar isə xalqdan oğurlanmış və məzlumun haqqından mənimsənilmiş milyardların cüzi bir hissədir".

Z.Oruc bir tarixi paralel də aparıb: “Vaxtilə Martin Lüter kilsəni dövlətdən ayırmaq üçün hərəkata başlayanda dini hücrələr müxtəlif haqlar müqabilində, yəni, ödənişlər alıb Allah əvəzinə günahkarları ”bağışlayırdılar"! İndi də media şəbəkəsinin üstündə oturmuş katoliklərimiz çekist adına ləkə olanlara, yaxud talançı bankirlərə “günahsızlıq qəbzi” verməyə başlayıblar. Lakin orta əsrlər Romasında deyildiyi kimi, pulla məhbəsi satın ala bilərsən, lakin bütün xalqdan istədiyin azadlıq hökmünü əldə edə bilməzsən".