Köhnə “ab-hava” dağıdılmır: Maliyyə-İqtisad Kollecində imtahan ədaləti sual altındadır

Ana səhifə Bizimlə əlaqə

Prezident ailəsinin Trampla - Fotoları

Masazırda qanunsuz tikintiyə hansı məmur icazə verib? - VİDEO

“Referans” klinikasında pasiyentlərə belə xidmət göstərilir? -Şikayət/FOTOLAR

“Qaçqınkom” niyə “166 Global Logistcs”la anlaşır? – Fuad Hüseynov məsələsi

FHN-ə 108 ədəd voleybol topu satan şirkət kimindir? - TƏFƏRRÜAT

Onların da əmlakları hərraca çıxarıldı - SİYAHI

Binəqədidə açıq özbaşınalıq: QADAĞAN OLUNMUŞ ZONADA TİKİNTİ-VİDEO

"Karqo Şamil"in görünməyən üzü... - İLGİNC FAKTLAR...

Gülarə Zeynalovanın klinikasının əşyaları müsadirə olunub (FOTO)

Təhsil (Bu gün, 09:36)
Köhnə “ab-hava” dağıdılmır: Maliyyə-İqtisad Kollecində imtahan ədaləti sual altındadır

Azərbaycan Dövlət İqtisadiyyat Universitetinin (UNEC) rektoru, professor Ədalət Muradov son illər ali təhsil sistemində imtahanların şəffaf keçirilməsi, qiymətləndirmədə obyektivliyin qorunması istiqamətində ardıcıl mövqe nümayiş etdirir. UNEC-də tətbiq olunan elektron imtahan mexanizmləri, nəzarət tədbirləri və ictimai hesabatlılıq cəmiyyət tərəfindən də müsbət qarşılanır. Lakin təəssüf ki, bu islahat ruhu Azərbaycan Dövlət İqtisad Universiteti-nin nəzdində fəaliyyət göstərən Maliyyə-İqtisad Kollecində hələ də tam bərqərar olmayıb.
Mediatv.az-ın redaksiyasına daxil olan müraciətdən aydın görünür ki, kollecdə illərdir formalaşmış köhnə “ab-hava” qorunub saxlanılır və bu, xüsusilə imtahan proseslərində özünü açıq şəkildə büruzə verir.

Daxil olan məlumatlarda bildirilir ki, kollecin tədris hissə müdiri İlham Abbasov imtahanlar ərəfəsində bəzi tələbələrin,özünün şəxsi maraqlarına uyğun olaraq imtahanqabağı giriş ballarının süni şəkildə artırılmasına nail olur. Bu cür hallar ali və orta ixtisas təhsili sistemində bərabərlik prinsipini, akademik dürüstlüyü və qanunvericiliyin tələblərini kobud şəkildə pozur.
Söhbət artıq sadəcə daxili intizam pozuntusundan deyil, təhsildə korrupsiya, vəzifə səlahiyyətlərindən sui-istifadə və təhsil hüququnun tapdanması kimi ağır hüquqi məsuliyyət yaradan əməllərdən gedir. Bu isə nəinki kollecin, ümumilikdə dövlət təhsil siyasətinin nüfuzuna ciddi zərbə vurur.
Görəsən rəhbərlik bu cür hallardan xəbərdardırlarmı?
Xəbərdarlarsa, niyə indiyədək qarşısı alınmayır?
Yox əgər xəbərsizdirlərsə, bu qədər açıq iddialar necə nəzarətdən kənarda qala bilib?
Bir tərəfdən şəffaflıqdan danışıb, digər tərəfdən köhnə “alverçi” imtahan ənənələrinə göz yummaq cəmiyyət üçün qəbulolunan deyil.
Redaksiya olaraq mövzunu diqqətdə saxlayırıq və qarşı tərəfin mövqeyini dərc etməyə hazırıq.

Mediatv.az