“Tədqiqatlarımız göstərir ki, qida sektorunda xammaldan hazır məhsula qədər 80 % qidalar AQTA-da reyestrdən keçməyib. Ona görə də istirahət mərkəzlərində zəhərlənmələr getdikcə artır”.

Mediatv.az xəbər verir ki, bunu Azad İstehlakçılar Birliyinin rəhbəri Eyyub Hüseynov Bakupost.az -a açıqlamasında deyib.
O, son günlər istirahət mərkəzlərində qidadan zəhərlənmə faktlarına qarşı tədbirlərin görülməli olduğunu diqqətə çatdırıb:
“Qida təhlükəsizliyinin təmin olunması üçün istirahət mərkəzlərinə verilən ərzaqların bütün növləri fermadan istehlakçıya çatana qədər AQTA-da reyestra daxil olmalıdır. Qidanın daim yoxlanışdan keçməsi, ona nəzarət olunması üçün reyestr mütləqdir.

Bununla bağlı dəfələrlə məsələ qaldırdım. Məsələn, qidanın saxlandığı şərait öyrənməli, soyuducuların monitorinqi aparmalıdır. Görək onları hansı rejimdə qoyurlar? Elektrikə qənaət etmək üçün bəzən soyuducuların rejimlərini dəyişirlər. Ölkədə qida zəhərlənməsi və s. hadisələr baş verdikdə cəld reaksiya mezzxanizmi olan qurum da yoxdur.

Qida təhlükəsizliyinin təmin olunması məsələsində bürokratik prosedur aradan qaldırılmalıdır. Yoxlamalar və cəld reaksiya prosesləri bərpa olunmalıdır. Sənaye üsulu ilə istehsal olunan mallardan qida zəhərlənmələri gizlədilir. Çünki onlardan zəhərlənmə olarsa, sertifikatı çıxarıb AQTA-ya göstərəcək ki, sən vermisən. Səhiyyə orqanları da xəstələrin sertifikatı olan hər hansı maldan zəhərləndiyini deməyə cəsarət etməz. Bu sahədə şəffaflıq yoxdur. AQTA ictimaiyyətlə fəal işləməli, bu hallara tez reaksiya verməlidir”.шаблоны для dle 11.2