Sumqayıt şəhəri Nəsimi adına Mədəniyyət və İstirahət Parkında olan vəziyyət yaşlı insanları, gəzintiyə çıxan ailələri narahat edir.
Mediatv.az xəbər verir ki, bu barədə sumqayit.tv xəbər yayıb. Xəbərdə bildirilir ki, parkın Şəhidlər xiyabanı və Göyərçin abidəsi arasında meşəlik hissədə olan yarımtikililər və ora narkomanların yığışması insanlarda narahatlıq yaradır. Vətəndaşlar ümumi olaraq bunları qeyd edir : "Park gəzinti, istirahət məkanıdı. Amma biz burdan keçməyə qorxuruq. Park ərazisində yarıuçuq vəziyyətdə olan tikililər təhlükə mənbəyidi. Dəfələrlə ora narkomanların yığışdığı müşahidə olunur. Antisanitariya baş alıb gedir. Park ərazisidi, səliqə-səhman yaratsalar yaxşıdır. Nəinki belə eybəcər görüntü kimi qalsın. Xüsusilə axşamlar gəzintiyə çıxanda ehtiyat edirik. Aidiyyatı qurumlardan xahiş edirik ki, bu problemin həllində bizə kömək olsunlar".
 шаблоны для dle 11.2