Fransada koronavirusa qarşı peyvənd olunmaqdan imtina edən üç min səhiyyə işçisi vəzifəsindən kənarlaşdırılıb.

Bu barədə ölkənin səhiyyə naziri Olivye Veran bildirib. Onun sözlərinə görə, müvafiq tədbir müvəqqəti xarakter daşıyır. Belə ki, qeyd olunan əməkdaşların çoxu artıq vaksinasiyaya razılıq verib. Qeyd edək ki, Fransada xeyli müddətdir vaksinasiya əleyhinə kütləvi etirazlar keçirilir.

Məlumdur ki, Azərbaycan da virusdan qorunmaq üçün peyvəndi seçən ölkələrdən biridir. Lakin peyvənd könüllülük prinsipi əsasında vurulur.

Maraqlıdır, Azərbaycanda peyvənd olunmayan tibb işçisi varmı? Peyvənd olunmayan həkimlərə hansı cəzalar verilir?

TƏBİB-dən Cebhe.info-ya verilən məlumata görə, bütün tibb işçilərindən peyvənd olunmaları tələb edilir:

"Nazirlər Kabinetinin “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” Azərbaycan Respublikası Nazirlər Kabinetinin 2021-ci il 26 may tarixli 151 nömrəli Qərarında dəyişiklik edilməsi haqqında qərarıının 2.5-5.1-ci maddəsinə əsasən, mülkiyyət formasından asılı olmayaraq bütün tibb və əczaçılıq müəssisələrinin əməkdaşlarının peyvənd olunması və ya COVID -19-a qarşı immun sertifikatının olması tələb edilir".шаблоны для dle 11.2