Novruz bayramının gəlişi ilə əlaqədar Yasamal rayon İcra Hakimiyyətinin təşəbbüsü ilə rayon ictimaiyyəti Vətən müharibəsinin şəhid ailələrinə mənəvi dəstəyini ifadə edib.

Yasamal rayon İcra Hakimiyyətinin rəhbərliyi, rayondan seçilmiş millət vəkilləri, yerli hüquq-mühafizə orqanlarının rəhbərləri ikinci Fəxri Xiyabanda şəhidlərin məzarlarını ziyarət ediblər. Burada şəhidlərin xatirəsi yad edilib, ruhlarına dualar oxunub.Yasamal rayon İcra Hakimiyyətinin başçısı Elşad Həsənov şəhidlərin ailə üzvləri ilə söhbəti zamanı onların gündəlik qayğı və problemləri ilə maraqlanıb.

"Ali Baş Komandan İlham Əliyevin komandanlığı altında Azərbaycan ordusu 44 günlük Vətən Müharibəsində tarixi qələbə qazandı. Qazi və şəhid ailələri dövlət tərəfindən xüsusi qayğı ilə əhatə olunub", - deyə Yasamal rayon İcra Hakimiyyətinin başçısı qeyd edib.