Təhsil məsələləri üzrə tanınmış ekspert Etibar Əliyev Azərbaycan Dövlət İqtisad Universitetinin Maliyyə və maliyyə institutları kafedrasının müdiri, iqtisad elmləri doktoru, professor Əvəz Ələkbərov BMT-nin sülh səfiri adına layiq görülməsinə dair sosial şəbəkədəki səhifəsində fikirlərini yazıb. 
Öz qeydlərini "Damlanın ayağı Əvəz Ələkbərova düşərli oldu" başlığı altında verən ekspert Əvəz müəllimin müğənni Damla haqqında dediklərini sitat gətirir:

“Təqribən üç aydır ki, mən müğənni Damlanın sənətinə, musiqisinə, yeniliklərinə diqqət yetirirəm və onun uğurlarına sevinirəm. Əgər o 4-5 il ərzində çox böyük tamaşaçı və dinləyici kütləsi yığıbsa, mən buna sevinirəm. Bu onun uğurudur. Həm də mən ona tövsiyə edərdim ki, yaddan çıxmış gözəl mahnılarımızı yeni bəstədə və formada tamaşaçılarımıza çatdırsın. Öz gözəl səsini qorusun, səsindən məharətlə istifadə etsin”.
Daha sonra E.Əliyev yazır: "Xatırladıram ki, Birləşmiş Millətlər Təşkilatının sülh səfirləri dünya ictimaiyyətinin diqqətinin BMT-nin missiyasının üzərində cəmləşdirilməsinə töhfə verən, incəsənət, ədəbiyyat, elm, əyləncə, idman və ya ictimai həyat sahələrindən xüsusilə seçilən şəxslərdir. BMT-yə halal olsun...Əvəz müəllimin əyləncəyə verdiyi töhfə bəhrəsiz qalmadı". шаблоны для dle 11.2