“Miras” Mədəni İrsin Öyrənilməsinə Kömək İctimai Birliyi İdarə Heyətinin sədri Fariz Xəllili Azərbaycan Müəllimlər İnsitutunun elmi işlər üzrə prorektor vəzifəsinə təyin edilib. Mediatv.az saytının xəbərinə görə, bu barədə məlumatı Fariz Xəlilli özü verib. 

”Azərbaycan Müəllimlər İnsitutunun rektoru, professor Aqiyə xanım Naxçıvanlıya İnstitutun elmi işlər üzrə prorektor vəzifəsini mənə həvalə ediyinə görə minnətdarlıq edirəm. Bu İnstitutda qarşılaşdığım səmimiyyət və təmizlik məni hər zaman ruhlandırıb, elm sahəsindən çıxmış olsam da, bir tədris müəssisəsində bu sahənin mənə etibar edilməsindən məmnunam və etimadı doğrultmağa da çalışacağam”-deyə F.Xəlilli bildirib.

Qeyd edək ki, F.Xəlilli bu təyinatadək Azərbaycan Milli Elmlər Akademiyası Arxeologiya və Etnoqrafiya İnstitutunun elmi işçisi, Azərbaycan Müəllimlər İnstitutu İctimai fənlər kafedrasının müəllimi idi. 
Fariz Xəlilli 1980-ci il avqustun 1-də Ağsu rayonunun Gəgəli kəndində anadan olub. Azərbaycan Dövlət Pedaqoji Universitetinin Tarix fakultəsini fərqlənmə diplomu ilə bitirib. Daha sonra Universitetin magistraturasında təhsil alıb. 
Tarix elmləri namizədi alimlik dərəcəsinə malikdir. Fariz Xəlillinin Azərbaycan, türk, ingilis, rus, norveç dillərində 50-dan çox elmi məqalə və tezisləri nəşr olunub. 

A.Qorxmaz

<p" style="font-family: tahoma; font-size: 12px; line-height: normal; word-spacing: 0px;">