Rayonun İnçalan ümumi orta məktəbin sabiq riyaziyyat-informatika müəllimi Müşfiq Rüstəmov Avrasiya.net-ə Laçın rayon Təhsil Şöbəsində baş verən qanunsuzluqlarla bağlı müraciət edib. 

Müraciəti olduğu kimi təqdim edirik: “Bildirirəm ki, 2001-ci ildən müəllim işləyirəm. Laçın rayon TŞ-nin müdiri Malik Vəliyev 2012-ci ildə işlədiyim inçalan ümumi orta məktəbini bağlayıb, siniflərini başqa məktəblərə verdi və əvəzində külli miqdarda pul aldı. Məni də yaşayış yerimdən 50 km aralı məktəbə göndərdi və söz verdi ki, gələn tədris ilində yaxın məktəblərin birində mənə dərs verəcək. 2013-cü ilin sentyabrından “bu gün, sabah” deyə-deyə hələ də mənə heç harda dərs vermir. Səbəbini soruşduqda isə “yaxşı eliyirəm, əlin hara uzundu ora da qoy, məni yetərincə müdafiə eliyən adamım və pulum var” cavabını alıram.

Malik Vəliyev Təhsi Şöbəsini öz şəxsi şitkəti kimi idarə edir. Hər tədrizs ilinin başlanğıcında sinif alverinə başlayır. Aylıq qoyduğu məbləği düzgün verməyən məktəbdən sinifləri kəsərək, özünə yaxın direktorlara küllü miqdarda satır. Məlumdur ki, işə düzəlmək istəyən müəllimlər test imtahanından keçməlidir. Amma Laçın TŞ-də Malik Vəliyevin bığının altlndan keçən bu imtahanı vermədədn də müəllim işləyə bilir. Bundan başqa müəllimlərin yerdəyişməsində də bu adamın əvəzi yoxdu. Belə ki, verdiyi rüşvətin dəyərində istədiyi məktəbdə dərs deyə bilər. Əksər məktəblər aylıq ödəməklə qapısı bağlı fəaliyyət göstərir.

Sizdən xahiş eləyirəm bu qanunsuzluqları işıqlandırıb, dövlətin necə məmurlara etibar eləməsini göstərəsiniz. Məmurların davranış qaydalarına belə əməl eləməsini və küllü miqdarda korrupsiya və rüşvətxorluq etməsinin barz nümunəsini ictimaiyyətə çatdırasınız”.

Şikayət edən müəllimlə telefon əlaqəsi də yaratdıq və məktubun özü tərəfindən yazıldığını təsdiqlədi..